《不懂撒嬌的女人》強攻王浩信 索爆台妹 張瑋純

近日熱播的《不懂撒嬌的女人》為無線首套4K全實景劇集，除了離巢多時的林文龍及宣萱繼續有上佳演出，更雲集中港台三地的美女！三地美女中，香港男士至愛的當然係台妹，其中飾演王浩信表妹的台灣模特兒 張瑋純 (Mico)，在劇中頻頻大曬嗲功及驕人身材，小編依家帶大家認識佢！

張瑋純 演「溫純純」

張瑋純 在《不懂撒嬌》中飾演王浩信的表妹「溫純純」，有齊曬港男心目中台妹的優點：樣靚、身材正又嬌嗲！劇中佢自小已經暗戀表哥，仲話將來一定要嫁俾對方！唔知唐詩詠接下來會如何應付呢位強勁情敵呢？

昨晚張瑋純在劇集首次登場，低胸熱褲打扮夠曬搶眼，為人溫柔體貼，就連下廚都有一手！難怪一眾角色 (以及觀眾) 都對佢讚不絕口啦！

我愛台妹 台妹愛我

1984年出生的張瑋純今年其實已經33歲，不過在劇集中以青春打扮示人，嬌嗲又可愛，話佢係大學生都完全冇問題！本身係模特兒的張瑋純身高170cm，並擁有32C豐滿上圍，身材高佻得來浮凸有緻，加上一副標緻面孔，王浩信認真有豔福……

選亞姐斷泳衣

唔講唔知，張瑋純原來參加過2011年《亞洲小姐競選》，當時泳衣環節中，佢身穿的比堅尼泳衣突然斷帶，好彩及時雙手護胸先不致走光！當時唔少人覺得佢耍手段博出位，不過張瑋純堅決否認，並指該件泳衣只係得一小塊布再用魚線串珍珠固定，非常唔安全，動作稍大就爆開咗！但事實係點就得佢先知啦……

煞食長腿

靚樣有、事業線有，長腿都有！

愛運動之人

張瑋純對自己身材要求甚高，佢在IG經常都會放享一啲做運動的照片，勤做Gym又會行山及攀石等，難怪練出令女仔羨慕的馬甲線及翹臀！

全文完

參考來源