意想不到!「御用衰媽」韓馬利的老公竟然是TVB裡常常見到的他！老公身份被起底, 難怪會嫁給他啦～

今年 58歲，入行 37年的韓馬利近年人氣回勇，除了於《名媛望族》甚搶戲，亦憑《回到三國》提名最佳女配角。曾經兩度失婚的她，終於在 1989年第三次結婚時找對了人。今年，與現任老公杜燕歌攜手踏入廿三個年頭。

縱然結婚多年，但兩公婆作風極為低調。其實杜燕歌是無線國語配音組要員，近年更轉戰幕前，在《護花危情》客串演出。周日（ 25日），本刊拍得二人溫馨嘆午餐。《名媛望族》中，韓馬利要出招爭寵，現實的她幸福得多。

遮風擋雨二人離開茶餐廳時，突然落起大雨，韓馬利立即為老公杜燕歌撐傘，廿四孝老婆。

韓馬利老公杜燕歌 90年加入無線配音組後，幾乎包攬所有一線男主角的幕後國語配音，前年更從配音間跳到幕前拍劇。處男作是鍾嘉欣與黃宗澤主演的《護花危情》，客串做黑幫，近日他就忙於拍攝《師父，明白了》，戲份愈來愈重。

現實嘅老公對我好專一！（設計對白）《名媛望族》多人追，連帶從影 37年，劇中飾演劉松仁大姨太的韓馬利人氣稍升。

各自修行周日（ 25日），忙於拍劇的韓馬利和老公杜燕歌難得一齊放假，便揸車到大埔茶仔食晏。畢竟二人結婚已經 23年，屬老夫老妻，「同枱食飯，各自修行」，餐廳上各有各玩電話。

繑實漫步雖然天氣不佳，但二人堅持在雨中漫步，浪漫一番。其間，記者發現杜燕歌不時繑實老婆韓馬利，十分溫馨。

住大埔村屋韓馬利和老公杜燕歌現時租住大埔營盤下村。雖然韓要租屋住，但其實她投資有道， 04年以四百多萬買入窩打老道 8號高層單位，現時市值已近千萬，今年初，她亦放售跑馬地洋樓單位，獲利百四萬。

協議唔生仔

周一晚（ 26日），記者致電韓馬利，她說：「可以遲兩個鐘打嚟嗎？」之後記者收到她的電話，她說：「頭先同老公食緊飯呀。以前撞啱食飯有朋友打電話嚟，我會行開去傾電話，後尾見佢黑曬面，先知佢鍾意兩公婆一齊食飯嘅感覺。我係南方人，佢係北方人，口味唔同，習慣唔同，初初結婚嗰幾年好多嘢要磨合。佢最唔習慣一齊出街，啲人識我唔識佢，佢話自己活喺我陰影底下。佢當時唔開心我又唔知，經過廿幾年磨合先識得遷就。」與老公杜燕歌因信仰而相識， 1989年，二人於澳洲坎培拉私訂終生。廿三年來，二人無所出。她說：「婚前我同老公講我唔想生 BB，一來我容忍唔到我嘅仔女唔聽話；二來我好自私，唔想為湊仔女唔做嘢。老公係長子，難得佢屋企對我唔生仔冇意見，我覺得自己搵到佢好好彩，佢搵到我都好好彩?！」

➨2018年超可愛の狗年吉祥物「GoGo」來咯, 大家一起來”GoGo旺得福”!!請點我~

今次是韓馬利第三段婚姻，經歷過兩次婚姻失敗的她，先後下嫁陳波比和馮寶寶兄長馮吉隆，可惜最終不歡而散，離婚收場，第三段婚姻她明顯學精咗。「夫妻一定會鬧交，但每次鬧到咁上下，我哋一定收口各自行開冷靜一下。通常我哋為小事鬧交，我都會認低威先！而且我哋協議咗絕對唔提離婚兩個字。」

買菜搭蔥之後杜燕歌返回座駕，韓馬利則到附近街市買餸。做了家庭主婦多年的她，與不少街市檔主混熟，買餸時有講有笑外，仲識得買菜搭棵蔥。

韓馬利和杜燕歌間中會去旅行增進感情，杜不時於微博曬恩愛。

瘦十磅戰幕前

韓馬利和馮寶寶胞兄馮吉隆婚姻只維持六年。韓馬利當時對馮恨之入骨，直至前老爺馮峰離世才醒覺。《蘋果日報》圖片

韓馬利對老公讚不絕口，她更大爆老公擔任配音員期間，不時有導演和監製找他拍劇，被他一一推辭。她說：「我冇諗過佢會拍《護花》，其實佢應承咗家豪哥（監製劉家豪）之後都後悔，我話你都應承咗咪試嚇囉，嗰次個角色講國語都好啲。跟住佢拍《金枝慾孽 2》要講廣東話就慘啦，壓力大到佢發夢都背緊對白，個人瘦咗十磅，皮帶扣都緊咗兩格。」記者要求跟杜燕歌做訪問，但韓馬利就擋駕：「佢好低調?！」韓馬利現在修成正果，但之前兩段婚姻都令她痛過傷過，最痛是與前無線高層馮吉隆（馮寶寶胞兄）的第二段婚姻。為了他，韓曾經自殺，即使之後再婚成為杜太，每次聽見馮吉隆三個大字，心還在淌血。「喺我前老爺（馮峰）過身時，我去到靈堂再見到佢（馮吉隆），終於拔咗心頭條刺，個心唔會再痛。錯嘅唔係我，冇理由一直咁懲罰自己。」幾經波折，韓終於找到生命中可同偕到老的伴侶。