大餐後食滯咗？5 款消滯飲品推介！簡單步驟幫你解決消化不良
easyslim
大餐後食滯咗？5 款消滯飲品推介！簡單步驟幫你解決消化不良
呢幾日做冬，之後又到聖誕節，咁多大餐要食，擔心食滯咗？今次推介 5 款消滯飲品，幫大家舒緩消化不良問題。
山楂麥芽茶山楂可以開胃消食、化滯消積，麥芽可以行氣消食，健脾開胃。山楂麥芽茶最適合食滯時飲用，可以有助消滯，改善消化不良問題。不過要注意孕婦、哺乳期婦女、胃酸過多嘅朋友不宜飲用。
材料：山楂 10g炒麥芽 10g
做法：1. 將山楂洗淨後切成薄片。2. 將山楂及炒麥芽放入杯中，倒入滾水泡 30 分鐘即可。
Photo from Pinterest
山楂麥芽茶最適合食滯時飲用，可以有助消滯，改善消化不良問題。
山楂決明子茶決明子有清肝明目，潤腸通便嘅功效，山楂除咗搭配麥芽可以消滯外，搭配決明子都可以化滯消積。不過切記性寒滑腸，氣虛便溏嘅朋友不宜飲用。
廣告
材料：山楂 10g決明子 10g
做法：1. 將山楂洗淨後切成薄片。2. 將山楂及決明子放入杯中，倒入滾水後泡 30 分鐘即可。
Photo from Pinterest
山楂除咗搭配麥芽可以消滯外，搭配決明子都可以化滯消積。
普洱茶飲茶嘅時候好多人都鍾意飲普洱茶，其實普洱茶可以幫助消滯，因為普洱茶含有大量咖啡因及單寧酸，有助刺激胃酸分泌，促進消化。
Photo from Pinterest
普洱茶含有大量咖啡因及單寧酸，有助刺激胃酸分泌，促進消化。
檸檬水眾所周知，檸檬水可以美白養顏，不過原來同樣可以促進消化。檸檬能夠刺激胃酸分泌及腸臟蠕動，從而促進消化，有助化滯消積。
廣告
Photo from Pinterest
檸檬能夠刺激胃酸分泌及腸臟蠕動，從而促進消化，有助化滯消積。
蘋果醋出去食飯嗰陣，唔少人都鍾意飲蘋果醋，覺得酸酸哋開胃之餘仲可以消滯。的確，醋有助促進新陳代謝，令腸道暢通，改善便秘問題，飲蘋果醋可以幫助腸臟蠕動，促進消化。
Photo from Pinterest
飲蘋果醋可以幫助腸臟蠕動，促進消化。
大餐後飲返啲消滯飲品就唔怕食滯啦～
分享到Line