《心理追凶》25歲的她熬了8年才擔任女配！還是敖嘉年推薦

看《心理追凶Mind Hunter》見到馬國明終於有個正經角色，敖嘉年捱到40歲終於做第二男主角，捱足多年做到成績，觀眾都替他們高興。

主角要捱、要等，其實配角更加要，好似劇中經常跟住Win sir（敖嘉年飾）查案的女警李君妍，劇中戲份不多，每次都是交待一下案中死者身份，和主角有一兩句對白，觀眾未必有留意。

但李君妍捱了8年，由過鏡路人、妓女A、食客等閒角角色…..到《心理追凶》先有這個比較多戲份的角色，一步步捱上去，她接受訪問時說：「我系24期藝訓班，09年我17歲讀完中五就考，我仲要媽咪陪我簽合約㖭，呃住老豆簽約，佢發現咗之後問我做咩入去做茄哩啡。」父親無心快語，李君妍是不開心的，但幸得媽媽支持，先令她開始捱落去。

無線藝員人工有幾多？眾所周知，李君妍冇後台、冇家底，入去預了捱騾仔，她亦試過要搵兼職幫補，她說：上年我去咗朋友間賣健身奶粉嘅鋪頭幫手，每日大約有3百幾蚊左右囉

《心理追凶》劇中敖嘉年每次出動都有李君妍，這個連戲角色原來是敖嘉年引薦給監制。

除了《心理追凶》外，之前的《鐵馬戰車》《警犬巴打》李君妍都是飾演女警。

除了認同，李君妍當藝員更克服了她的學前恐懼症，她說：由細到大我去到陌生環境都會好驚，我第一份工系做侍應，我好緊張，試過做做下嘢，見到媽咪啲朋友行過，我驚到喊咗出嚟，我做咗一日就冇做，由小學升中學都系，頭幾日返學會驚到流眼淚，但做演員就冇，由面試到正式入行，我都唔知點解冇再緊張到。」或者連身體都告訴她，這才是妳應做的事，亦令李君妍明知在無線條路難行依然肯捱落去。

但肯捱不代表路易行，李君妍今年25歲、捱8年先有配角演，但同劇的蔡思貝26歲已是6套劇第一女主角，李君妍：「大家差唔多年紀，真系會羨慕佢哋咁快有機會，但每個人條路都唔同，可能我條路要慢慢嚟呢，我希望自己嘅戲份，可以一步步加上去，其實而家已經好過之前好多喇，今次《心理追凶》有呢個角色，系因為敖嘉年介紹，因為之前跟佢同楊盼盼拍過套大陸嘅電視電影，佢覺得一team人應該有唔同角色，所以佢向監制介紹我，所以我好多謝佢。」

後生女慢慢嚟啦，總有機會的。