今日諗住扮宋仲基 想畀驚喜老婆 點知…老婆佢仲要求同我今晚玩d咁既野

最近套泡菜劇《太陽的後裔》hit到爆，搞到都忍唔住要搵嚟睇下佢到底有幾多斤兩，點解可以令到一眾妹豬食飯行街甚至洗白白都要金睛火眼咁狂煲！

圖片來源：《太陽的後裔》劇照

可能毛毛睇開日劇啦（aka. 愛情動作片），劇情嘅嘢，真係唔重要，飛下播下，主角個樣ok就ok㗎喇。嗚呀，真係好正呀……宋仲基！睇到毛毛停唔到手呀！

有個台灣網民為咗畀個sur派時佢個追緊《太陽的後裔》嘅老婆仔，竟然訂咗套軍服返嚟玩cosplay，諗住老婆仔一見到實會尖叫Oppa Oppa咁啦！55，結婚耐咗，係要搵啲新花款玩下嘅，明嘅明嘅。老公仔戴埋副超，又真係幾似喎，不過如果佢擰轉面，可能仲似啫。

世事總係殘酷嘅，個老公搞咁多嘢氹個老婆，個老婆竟然唔領情，叫佢滾開呀！咁都唔止，仲叫佢立馬除咗套軍服，嗱嗱聲去煮飯呀！唉，女人咁易畀你估中就唔叫女人啦，少年，只能怪你太年輕了。你老婆唔鍾意唔緊要喎，毛毛鍾意！今晚嚟毛毛度，我哋玩cosplay！hehe！

參考來源