16大元朗美食
请叫我姐姐
沒有水貨客和自由行踩冧個場，元朗實在是個搵食的好地方。你看區內新店開個不停，日本人主理沾麵、好玩韓國菜、酒店級甜品等，種類愈趨多元化，定價更是市區的七、八折。還有大量不能錯過的掃街美食，以及元朗名物豬扒飯！今日小編決定為大家製作元朗小店美食清單，一齊力撐香港的小店美食！如果有遺漏值得推介的元朗小店，大家不妨在下面的留言區交流一下！
1. 元朗人大熱周末食堂！海膽黑松露超厚4CM手打牛肉芝士漢堡！
去到元朗搵食，一定要識去元朗雞地鳳琴食街，整條街東南西北各國美食都有得食，而位於鳳攸南街旁，就收藏咗一間元朗人熱捧的漢堡店，佢嘅特色就係一個字 – 厚！名物手打牛肉漢堡有4CM厚，大到難以一啖咬到，堅係大食仔女之選。
而近日佢哋就推出咗豪華漢堡，原料有海膽 + 黑松露 + 手打牛肉 + 芝士，餡料十足，師傅先煎香自家手打牛肉，再加上芝士焗溶，然後將半板新鮮海膽放在芝士上，最後再加上黑松露醬就大功告成。記者試食後，覺得漢堡肉的確超厚啖啖肉，而加上的黑松露令整個漢堡包圍著一陣香氣，點題的海膽就加上了一點Creamy感！提提大家，店主(好似劉德華)就話元朗人比較愛食全熟肉漢堡，如果大家唔想太熟就記得同佢講聲啦。
大大份海膽放在芝士上！
4CM厚牛肉！大食仔女都夠飽
學生哥有抵食學生餐，$20有漢堡包薯條加飲品
EC Kitchen地址：元朗鳳攸南街3號好順景大廈二座19號舖 (顯示地圖)營業時間：12pm – 2030pm (星期一至日)電話：2529 4948
2. 今期熱爆！Tiffany Blue雲呢拿雪糕！
相信最近元朗街坊嘅社交平台都俾呢杯雪糕洗版，呢一家新開的雪糕甜品店鋪開店就備受注目，事關美女店主引入咗法國的藍雲呢拿油製成Tiffany Blue雲呢拿雪糕，今個星期三仲開始推出Tiffany Blue雪糕菠蘿包，除咗藍雲呢拿，仲有抹茶、伯爵奶茶、牛奶朱古力同Oreo ５款口味，不過各位吃貨要留意店家每日只提供兩款口味，每星期換一次味道，想食Tiffany Blue雪糕記得事先打去查詢呀！
藍雲呢拿軟雪糕 $28/杯
食杯裝的話仲可以免費加配料！
藍雲呢配法國牛奶朱古力扭紋雪糕 $28/珍寶筒; $20/迷你筒
藍雲呢拿雪糕菠蘿包 $22每日限量20個！
除咗Tiffany Blue，仲有以下粉紅系列，真係超呃Like！
士多啤梨乳酪沙冰 $26
粉紅檸檬水 $17
Scaredy Cat Ice Cream and Coffee Shop
地址：元朗又新街27-29號建威大廈地下8A舖
(營業時間：2pm – 12am (星期一至日)
3. 元朗兩大紅店 港版吉祥寺人氣沾麵
每晚七點，彩的人龍開始出現，不設派籌，大家只好乖乖地呆等一個小時。老闆砂田信是北海道人，曾於東京開設拉麵店，兩年前來港，為香港第一間沾麵專門店效勞，故廚師班底、老爺製麵機，以及女侍應都是從該店過來，但為何退後一步，選址元朗？「我曾住過紅磡、天後，發現元朗很Lay back，生活節奏慢，街坊有人情味，我每天踩單車5分鐘到舖頭，感覺像東京最宜居的小區吉祥寺。」
牛油粟米湯 x 羅勒粗麵 $83湯底以赤麵豉及白麵豉調成，像濃縮版的麵豉拉麵湯底，麵豉鹹香吊起了厚切叉燒的肉甜。
黑油湯x紅椒粗麵 $80豬骨湯底加入自家製蒜油及日本麻油，濃厚惹味，配上新鮮紅椒打成的寬麵條，鹹中帶鮮，重口味者會鍾意。
原味湯 x 紫菜粗麵 $78湯底加入柚子及蔥花，與清香的羅勒非常匹配，此配搭最能吃到濃濃的豬骨味。
彩地址：元朗建德街26號益利大廈地下14號舖 (顯示地圖)電話：3686 0130營業時間：11:30am-3pm、6pm-9pm，星期二休息備註：不設加一，只收現金平均消費：$80 /位
4. 元朗兩大紅店 半島餅廚創新甜味漢堡
甜品小糖鈕兩位老闆曾於分別於文華東方、半島等地方工作。店內甜品選用五星級食材，而翁且店主更花三個月設計的八款全新甜品，像圖中的甜味漢堡包，以泡芙代表包身、朱古力Ganache 扮牛扒、益力多啫喱當芝士，創新得來功夫紮實，勢必成為另一爆場店。
甜漢堡配薯條 $88泡芙忌廉香滑，朱古力慕絲香濃醇美，微酸的益力多啫喱及燒菠蘿，起中和作用，口感豐富。最得意是薯條餅乾，質感像Short Bread，蘸上紅桑莓Cream Brulee，很過癮。
冧酒香蕉拿破崙 $88大廚特意加入元朗元素，像自家製合桃酥及元朗產香蕉。酥皮薄脆鬆化，中間忌廉以大量香蕉製成，味道傳神，配上芒果醬汁，果味澎湃。
店子細細約有廿個座位，當中設有半開放式座位，方便元朗人帶狗幫襯，但採訪當日仍未裝修好。
小糖鈕地址：元朗裕榮徑11號好旺洋樓地下10號舖 (顯示地圖)電話：9704 0000營業時間：2:30pm- till late備註：不設加一，只收現金平均消費：$88
廣告
Billionaire Shocked: This Man Quits Job In 1 Mo.
5. 元朗真味道 多汁牛肉餅
元朗的舖租相對較市區低，所以區內才可容納得到不少美食小店。去到元朗，其中一個目的就一定係要掃街狂擦！家族經營小店大肚腩牛肉餅， 哥哥及姐夫均是入行多年的點心師傅，食物非常出色。牛肉餅皮薄不油，大啖咬下，肉汁濺得成枱都是，肉餡鮮甜，有嚼勁。
牛肉餅 $16
大肚腩牛肉餅地址：元朗金輝徑28號好盛洋樓14號舖 (顯示地圖)電話：9683 0463營業時間：10am-11pm
6. 元朗真味道 新順興最新堂食店
正當又新街新順興外賣店仍排滿人潮，很多人都未知其安寧路堂食店經已開幕，招牌滷水鵝飯$38，加鵝腎、鵝肝或豬大腸只需$43，滷得入味，很有水準；另有大量滷水小食，如鵝掌、雞腳、鴨舌等，即使外賣都不用大排長龍。
滷水鵝飯 （加腎）$43
滷水鵝掌 $26鵝掌厚肉，膠質甚重，味道豐富細膩， 帶陣陣丁香、八角香氣，滷得入味醇香。
新順興滷水鵝地址：元朗安寧路27號鴻運樓5號地下 (
顯示地圖)電話：2320 6848營業時間：10:30am-8:30am
7. 元朗真味道 七彩南方餃
餃子由點心師傅出身的老闆梁生親自包製，開店近十年，味道推陳出新，一碗雜錦餃子有齊八種， 如南瓜餃、白菜餃、青瓜餃、番茄牛肉餃等，屬南方餃，皮薄通透，餡料豐富，不少街坊索性買生餃子回家看門口，好過超市貨。
雜錦餃子 $28/8隻
梁記餃子麵坊地址：元朗安寧路93-109號富祥樓地下1號舖 (顯示地圖)電話：3525 0138營業時間：星期一至星期六 10:30am-12:30am，星期日10:30am-10pm
8. 元朗真味道 酒香馥郁醉雞麵
講起元朗醉雞麵，會想起雞地爽爽，但它早已紅透半邊天，人龍長得元朗人都怕怕。怕排隊可轉投新記的懷抱，此店為又新街新記粥店的分店，醉雞肉質結實中帶點彈性，雖雞味不算濃，幸好酒香醇厚，補回分數。
醉雞麵 $38
新記醉雞粉麵地址：元朗合財街36號順好樓D舖 (顯示地圖)電話：2696 9901營業時間：10am-11pm
9. 元朗真味道 熱辣辣即煎蠔餅
元朗無人不曉的蠔餅，藏於大坑渠旁小食檔。不同於一般街檔貪快用大量油炸，此屬香煎貨色，外脆內軟綿，蛋香馥郁；一件才$19，蠔仔飽滿，足有十多粒，咬落彈牙不脢身，配上偏酸甜的辣椒醬，能中和油膩。
蠔餅 $19/件
肥姐蠔餅地址：元朗鐘聲徑(大坑渠旁) (顯示地圖)電話：從缺營業時間：5pm-2am
10. 元朗真味道 最平車仔麵
許祥昌是不少元朗人的情意結，N 年前$10有齊大堆頭配料，窮學生最愛。如今加價，但仍是區內最平車仔麵。細碗$21， 有齊豆卜、魚蛋、豬紅、大腸、蘿蔔、豬皮、生菜、腸仔、雲吞、雞翼尖等十個餸，加上咖喱湯底，味道還好。
雜麵 $21/細，$23/大，$25/加大
許祥昌地址：元朗擊壤路17號順發大廈地下B舖 (顯示地圖)電話：從缺營業時間：7am-10pm
廣告
11. 勁食元朗豬扒飯 必食豉油王豬扒
元朗這草根之地，庶民美食特別多，其中一個代表就係豬扒飯！位於建業街熟食市場的成記茶寮，豬扒飯只於中午12至下午3點供應，豬扒飯有兩大件連骨豬扒，每塊大如一隻半手掌，足二人份量；肉厚夠腍有彈性，既有焦糖般的豉油甜香，亦有煎香豬扒的肉汁， 一試上癮！
豬扒飯 $38
成記茶寮地址：元朗建業街街市地下C8號舖 (顯示地圖)電話：2475 2517營業時間：6am-3:30pm
12. 勁食元朗豬扒飯 開心小敘焦香有肉質
成記另一勁敵，同樣星期六下午一時試食，門口企滿外賣客，店內例牌全Full，但人潮不及成記，等候時間只需10分鐘。豬扒於11點後供應，雖說是即叫即煎，但由柯打到上枱只需5分鐘，煎得微焦，油份少，扒身薄成記一半，仍肉質鬆軟，食得出醃肉時沒有落梳打粉。
開心豬扒飯 $35
開心小敘地址：元朗鳳攸南街3號好順景大廈地下43號舖 (顯示地圖)電話：2473 4433營業時間：星期二至六7am-5pm，星期日8am-5pm，星期一休息
13. 勁食元朗豬扒飯 天奴豬扒偏甜多配菜
天奴豬扒，聲稱以人手逐塊搥鬆，再用香茅及調味先醃後煎，還有大量配菜如矮瓜、椰菜等，感覺較其他的輕怡健康。豬扒肥瘦適中，看落油潤細軟，但吃得出加入小量梳打粉，失去豬扒原有的結實質感，味道偏甜無豬味，但員工服務很好。
香茅豬扒蛋飯 $44(包熱飲)
天奴豬扒餐廳地址：元朗昌盛徑18號元通樓地下 (顯示地圖)電話：2442 2997營業時間：7am-6pm
廣告
14. 甜品集中地 雞地Dessert Gallery
元朗雞地，甜品集中地，隱藏著十多間甜品小店，今次就同大家介紹本地薑甜品店。Dessert Gallery的大廚曾於米芝蓮二星餐廳當餅廚，特別著重甜品的層次，像招牌的溫柔．暴力，朱古力殼內是吉士、酥皮、自家製Brownie 及士多啤梨，附上一個槌仔，將朱古力撲得細碎，混合所有材料同吃，朱古力味醇厚香濃，好玩又好食。
溫柔。暴力 $76
Dessert Gallery地址：元朗鳳攸北街5-7號順豐大廈地下31號舖 (顯示地圖)電話：6695 8734營業時間：星期二至四3pm-12mn，星期五及六3pm-1am，星期日3pm-12mn，星期一休息備註：不設加一，收信用卡平均消費：$70 /位
15. 甜品集中地 雞地浮誇之選
Pure Cafe & Patisserie，大廚Gigi 及Tim 曾於美國會、美麗華、Zuma 等工作，於元朗實現開甜品舖的心願；甜品九成自家製，賣相也頗浮誇，像「融入心」放有人頭般大的棉花糖，吃時倒入Espresso，加上榛子脆脆及雪糕，層次豐富。
融入心 $58
Pure Cafe & Patisserie地址：元朗鳳翔路5號偉發大廈地下13號舖 (顯示地圖)電話：3488 6788營業時間：星期二至四3pm-12mn，星期五3pm-1am，星期六2pm-1am，星期一及日2pm-12mn備註：不設加一，只收現金平均消費：$50 /位
16. 甜品集中地 雞地即叫即做心機甜品
甜品店蜜密開業九個月，甜品用料講究且花心機，像招牌的Honey Sercret，即叫即製的糖絲網花罩，加上即叫即做的朱古力酥， 製作需時20分鐘， 入口微暖，朱古力呈半溶狀態。
Honey Secret $98
蜜密地址：元朗鳳攸東街9號好順意大廈B座地下15號舖
電話：9285 6961
營業時間：星期一至四3pm-11:30pm，星期五至日3pm-12:30am
備註：不設加一，只收現金平均消費：$50 /位
分享到Line