就黎結婚 但比我發現未婚夫出軌 我依家好嬲又好唔捨得...

大家好，我叫呀雪，今年27歲，我有一個一齊左9年既男朋友，同居左幾年，都計劃好曬今年年尾結婚，樓係兩年前買左，酒席他都訂埋了，

突然有一日早上準備返工，本身只不過係順手拎佢電話睇睇幾點，佢突然好緊張，我就覺得有古怪喇，

因為佢平時電話都任我睇，於是我同佢鬥搶電話，最後我見到佢del 左d WeChat,

果刻我就知就算佢掉埋部手機無曬證據，佢已經係做左對我唔住既事，我好傷心，

我話要講俾佢媽聽我地結唔成婚，係我逼問之下，佢認左佢有上過個咩141網站食雞，

佢話淨係試過一次，佢話係因為我平時太惡成日鬧佢，佢好大壓力無地方發洩所以有舊同事叫佢上個網站試下，

佢就係一日我要返工佢放假時上左去叫左一次雞，我話要同佢分手，我話佢好污jo,

層樓首期佢呀媽俾既，但聯名既，裝修僕私全部我俾既，供就一齊供，不過佢供多過我小小，

我要求層樓要住多兩年（咁先唔洗罰息），我要佢搬走，但佢仍然要供樓，直到間屋賣出後還埋錢俾銀行就一人一半，

聯名戶口大部份錢都係佢入既，但我拎走曬，（果度唔係有好多），

而另外因為佢每個月要供樓所以佢個私人戶口唔係得返好多錢，而我都要求佢，兩個戶口加埋過返五萬俾我，

因為我同佢講過，今時今日我地擁有既野係我地一齊捱返黎，我地以前住劏房，錢都唔敢亂洗，如果佢對我唔住我就要佢一無所有，我唔會俾佢好過，

我連佢準備送俾我嘅一卡鑽石戒指，我都拎埋，我要佢每個月要供曬全份樓錢，直至兩年後間屋賣出，

我唔會放一毫子落去供樓，如果佢唔供就由佢變銀主盤，我知佢唔會，我要睇佢無左我生活變得幾慘，

因為9年前我地咩都無佢仲做緊個廚房仔，係我叫佢計劃大家將來，我敢講佢無我無今日，

所以我唔甘心，佢所有屋企人都好鐘意我，佢本身好似無乜野以為自己主動講曬出黎就無事，

佢係咁話係第一次試，以後一出糧d錢俾曬我，每日俾錢佢返工食飯就得，

我仲要求佢講埋成個過程，我真係覺得好嘔心，

佢知我要做黎一連串無情既事，佢好驚，係咁跪低喊住要求我原諒佢，但我一點憐憫佢嘅心都冇，

我好嬲我為佢付出左十年，平時死慳死抵，

但佢拎錢去叫雞，我叫佢驗下身，佢話全程帶套，個幾月前無事，

我好嬲又好唔捨得，畢竟我地有9年既感情，到依家要結婚前先搞d咁既野，

但一諗起佢叫雞同其他女人上過，我就好嬲。我接受唔到。

但佢真係喊到話一次絕對唔會有下次。我好矛盾我應唔應該原諒佢。

如果我想拎著數貪佢d 錢，我拎曬d錢走左啦，我洗係度打咁多咩，好多野你地唔知我之前無打，一直我搵錢都搵得多過佢，

男方俾首期女方俾裝修錢，我識佢時得18歲，佢仲做緊廚戶仔得7000一個月，係我幫佢搵份工，係我地慢慢儲錢，死慳死抵，咁慳返黎，點解要佢俾第二個

參考來源