女朋友突然唔比我拖手，我已經提出分手

我同女友已經拍左二年拖，以前都有分過手冷戰，到最後都係我搵返佢。

不過今次我個心真係好傷心。我同佢出街，平時雖然都好小拖手以搭博頭多，不過我有時都會想拖佢手，好記得以前都比我拖。

幾個月前我拖佢手，佢渣緊拳頭話吾鐘意同我拖手，我驚人地見到會影衰佢。

當時我心中好痛，完全唔想講野，咁佢平時講野已經好衰，成日踩我，話我肥.矮。

又話我去旅行淨係送機票，灑店AA制好cheap !

又話其實已經好想同我分手，其實已經冇愛。

我以前都會同佢嘈交，去到後期我只能逆來順受。

去到前日拖手事件再一次癹生，佢又再同一動作佢渣緊拳頭話吾鐘意同我拖手，我驚人地見到會影衰佢。

今次我已經覺得好冇意思，我提出分手，立刻返我屋企拎走所有既野。

佢話：不如下次再拎

我：立即拎好d

然後佢拎完所有野返到屋企就wtsapp 話:我返到屋企了

我冇回應，佢隔左一日早上就Wtsapp 我

佢：今日一吾一齊食lunch 

我話：吾啦，今日屋企人生日

佢：咁好啦

我：你約我做咩，我地分左手啦

佢：分左手吾可以食飯？

我：短時期我暫時吾想見面住

佢：有咩wtsapp 講

佢：不嬲wtsapp 講

我：喔

之後大家冇再wtsapp 再後一日佢就係instagram 話自己單身。

-----------------

我好矛盾係佢平時所講話一早想分手，已經吾鐘意係真定假？

平時佢把囗咁衰其實係我養大佢個膽？佢約我出去食lunch 係做咩？又吾係認錯。一段感情冇互相尊重係咪一定要完結？

參考來源