女友屋企人睇唔起我揸巴士，去見家長 女友老豆撩我隻揪

GreatDaily

女友屋企人睇唔起我揸巴士，去見家長 女友老豆撩我隻揪...

同佢拍咗三年拖，上星期第一次見家長.....

一入屋，個氣氛開始唔對路，不過大家都恭恭敬敬咁打招呼

到自我介紹，佢兩隻老野開始嚟料

以下係我哋嘅對話

女友老母: 做盛行㗎？

我: 揸九巴

女友老母: 人工幾多？

我: 加埋有二萬

女友老母: 嚇！人工噤少，你點養我個女啊？

女友老豆: 係囉，得二萬，半個月嘅生活費都唔夠啦

女友老母:你住邊㗎？

我: 屯門置樂

女友老母: 譁，仲要屯門,肯定係臭飛啦

女友老豆: 間屋邊個買？

我: 父母

女友老母 :diu,仲要痴飲痴食，睇嚟你養唔起我個女啦，食埋餐飯好離開我個女啦

我開始忍唔住，不斷據理力爭咁講自己父母仲有返工，唔駛交好多家用，不過個女仔老豆一路係咁貶低我，仲話揸九巴係乞衣，我亦開始唔同佢客氣

我: 既然世伯話揸巴士係乞衣，咁世伯以後唔好搭巴士啦

女友老豆: 啊死衰仔你仲頂嘴

之後條老野打咗我一把，我做咗47年人除咗老豆老母都未試過比人打塊面，當然我都不甘示弱咁還擊

我: X你老X,你個女個西鑲金㗎？你條小巴佬憑乜話我乞衣？

之後我將成檯餸推曬落地，用檯上隻白斬雞一野車落條老野個頭，隻老野就扯爛我件衫，如是者打咗45分鐘

最後差人嚟到,我哋都放棄追究對方，差人剩係抄低我哋幾個嘅身份證就走

而我最後都返咗屋企，女朋友當晚就block咗我嘅whatsapp,唉.....

參考來源