有無人同我一樣 覺得公屋d保安 真係好on9

首先，保安同密碼大閘係用黎防止陌生人出入，

但公屋Ｄ保安大多都係５０＋，

行行坐坐，唔睇得又唔打得，

有咩事反而走得仲快過住戶，

因為佢坐最近門口。

密碼道門就更加無用，跟人入就得，

我次次去人地屋企都係咁，

只要扮成理所當然咁行入去，９成唔會俾保安截。

再者，公屋本身就係龍蛇混雜，

咩人都有，而且文化水平又低。

保安同密碼大閘就算防到街外人，

都防唔到自己人。

打呢篇野唔係踩低公屋，

小妹都係住公屋，只係近排大廈道門，

由長期唔鎖，變到鎖番。

以前一拉就開，唔洗按密碼，唔洗靠保安，

而家鎖番要自己黎。

上次番屋企，同保安講聲唔該，

佢話要自己按密碼，我話唔記得，

（最近幾年都係無鎖到，連後門都唔鎖的，所以無記過密碼）

跟住佢就舉起張紙仔：８９６４

要我自己按，真係吹９漲。

所以大家話啦，呢Ｄ措施是咪多餘？

________

保安員，又叫護衞員，俗稱看更，但係香港人又叫佢做石Q或實Q（源自英文security），係保安服務業嘅前線人員。

保安員職位有好多類型，以香港法例第460章《保安及護衞服務條例》，分為AB牌（大廈看更）、C牌（持散彈槍嘅銀行護衛、解款員）同埋人身保鏢幾種。

1996年之前，香港嘅保安員係受香港法例第二九九章

看守員條例（Watchmen Ordnance）規管嘅。呢條法例並唔完善，例如，呢條法例並未提及開設保安公司嘅條件、亦無提及安裝同維修保安系統嘅人要有乜嘢資格。另外，由於法例只係針對「看守員」，當年有尐僱主以「管理員」（Caretaker）名義請人。再者，政府當年嘅監管亦唔足夠，未能杜絕無牌從業員。法例亦無規定從業員必需受培訓，難以保證行內從業員有無掌握工作上必要嘅知識。

參考來源