其實香港人真係好有錢.....

頭先喺翠華坐對面個後生仔 嗌咗個麥皮加凍啡(散嗌) 咁樣就4x蚊 真係好痴線....

一皮嘢部手提都係咁啦

到時周街都係

香港真係好多有錢人

其實好奇怪.....

我條女, 佢冇乜錢, 又冇儲錢習慣。

但係佢係不斷遊說我去換手機.....雖然話我部手機真係殘。但係其實重用得。我又唔係用來打機定係咩。我都係間唔中用來check 下 whatsapp / 睇下 email。

講真, 我真係唔捨得換。一換又幾千.....

佢屋企都唔算有錢。

但係好鐘意請客, 生日又book一圍食飯咁。某某親戚生日又擺一圍咁......

佢屋企人幾個月又會去一次旅行咁.....

佢d fds 又係....聽落又唔係搵好多。但係就成日名牌, 化妝品。一支唔知咩精華都六七舊水咁fing......

我真係唔明邊度來咁多錢.... 信用卡 分期付款 大把方法買貴野

講真儲錢係要儲我自己都有

但係咪要去到極端乜都唔買唔食咁先至係有為青年先

自己afford得到唔借唔搶唔偷就得喇

搵錢目的都係用姐

當然有好多人用錢之前都冇衡量自己能力咁個d就唯有睇佢自己幾時醒無人幫到佢

個個話要買樓根本個價唔正常我真係有錢都唔會買喇，買完仲要供30年

商人就睇死你地硬頸貴一貴都會有傻人買結果就推高哂個市

政府無收人靠賣地結果推高地價又幫手推多一口

個個買樓，唔通個個都買樓咩…唉

唉....

問題係, 唔買, 租金加幅大過人工升幅.

一定越住越細.

但係供樓有通脹因素, 實際上會越供越少....

其實依家用高地價代替稅收...其實係一種變相累退稅...香港真係痴撚線..唉

參考來源