「宮心眼」大對決！《宮心計》楊怡、《深宮計》陳煒哪個最凶狠？

女人多的地方特別多是非，尤其系古代後宮佳麗三千，一班妃嬪為爭寵上位，不惜斗個你死我活，所以宮廷劇先咁精彩！

好似無線現在就播《宮心計2深宮計》，網民都睇到好肉緊，同時都令人想起2009年套《宮心計》，當中飾演“姚金鈴”的楊怡奸到出汁，令人睇到咬牙切齒，好嬲呀！！！

楊怡在劇中為了增強氣勢，經常瞪大對眼用眼神凶人。唔好以為楊怡求其怒睥，其實呢個必殺技系有名堂，叫做“宮心眼”！

睇嚇渠單單用凌厲慨眼神，已經令人不知幾心寒，好嚇人呀！再加上楊怡陰陰嘴笑，講住狠毒慨說話，由頭奸到落腳，唔怪得劇中慨其他妃嬪都臣服於渠，甚至同渠狼狽為奸！

嚟到《宮心計2深宮計》，當然要有人承傳“宮心眼”秘技啦，渠就系“太平公主”陳煒喇！劇中陳煒不時耍手段迫害人，又向死對頭胡定欣咄咄逼人，望住人啲眼神相當凶狠，同楊怡慨“宮心眼”有得揮！

有網民即發揮奇想，用Apps幫陳煒P出更凌厲慨眼神，就連漫畫中最強慨“寫輪眼”都出動埋，邊夠你玩先？